Les mots surlignés font l'objet d'une note
1Reçue à Grenoble, le 20 mars 1573.
2Monseigneur, encor n’aurés vous pas par ceste depêche
3celle pour l’abbaye de St Sernin pour ce que ie ne
4puys encor avoir expedition au seau des lettres d’economat
5et si ie vous puis asseurer monsieur que je n’y pers
6heure ny occasion mais ie n’en puis venir à bout. J’ay
7des lettres au seau pour mon faict quy sont puys le commencement
8de janvier. Hyer matin comme monsieur le garde
9des sceaulx pensoit sceller, il fut mandé et tous messieurs
10du conseil pour aller trouver le roy à Chanteloup
11près Montlehery. Ledit sieur garde des seaulx est revenu
12ce jourd’huy en ceste ville où nous esperons qu’il
13fera expedition de toutes les lettres que sont remises
14devers luy advant qu’il en part. Le roy a couché à
15Villeroy et demain arrivera à Fontainebleau où ie
16me rendray lendemain, Dieu aydant. A St Leger, où ne
17me voient ouyr parler d’aucune chose mais fus
18renvoyé au sejour de Fontainebleau,je y sceus la
19prise du Pousin et du jour que l’on[ ?] partit ^ [^ qui fut le VIIe] y vint
20la mauvaise novelle de la mort de feu monsieur
21d’Aumale d’ung coup de ^ [^ groz] mosquet que luy emporta
22la plus part de la teste comme il estoit à l’artillerie
23faisant tirer aux deffences. Cela advint le troisième.
24et vertu et pource aussi qu’il ne ^ [^ nous] reste poinct de prince
26de son eage et esperience à la guerre. Monsieur
27le marquis du Maine a heu son gouvernement et
28monsieur son filz l’autre moitié avec l’estat de
29grand veneur ^[^ la moitié de sa companie et] et la pension. Ceulx de La
30[291v°] Rochelle sont trop iniques en leurs demandes de
31vouloir l’edict de janvier par toutte la France.
32mais ilz veullent avoir la force dans les villes qu’ilz
34tiennent pour quelque temps et encor dans Angoulesme
35et St Jehan d’Angely qu’on n’espère plus rien du parlement
36du sieur de La Noue avec Monseigneur mais fauldra
37que le plus fort le gaigne. Vous en pourrés scavoir
38plus de part et d’autres par les lettres de messieurs
39d’Evènes et de Laval. Touttesfois plusieurs choses
40seront advenues puys le XXV. On s’asseure que
41les Rochelois n’auront aucung secours. Je n’ay
42voulu mettre ceste depêche dans celle du pays,
43pensant que la prise du Pousin vous auroit faict
44haster de descendre au Valentinois. Il seroit
45bon que vous escrivissiés ung mot au chevauche[u]r
46de Lyon pour vous faire tenir seurement nos lettres.
47A mon retour de St Leger je trouvès voz lettres
48du XVIe du passé. Je ne scay quelle response vous
49auriez heu de monsieur le mareschal de Dampville
50ny du roy avec. Je vous y feray respondre si faict
51n’a esté estant à la cort. Monsieur de Montmorancy
52me demanda à St Leger de voz novelles.
53Il n’y avoit poinct de segneur avec le roy que
54luy et monsieur de Fecan frère de monsieur de Guyse.
55Je ne scay si mondit sieur de Montmorancy aura suivi
56le roy au partir de St Leger. Je vous ay escrit
57du IIIIe de ce moys comme ie feray aussi tost que
58ce sera à Fontainebleau et pendant ce, priant Dieu,
59monsieur vous donner très longue et heureuse vie.
60De Paris, ce XIIe mars 1573.
61Votre très humble
62serviteur
63So. de Boczosel